டிசம்பர் பூக்களும், ஒரு கதையும்...

Fly...

சற்றே நீண்ட பதிவு. உங்களுக்குத் தோதான நேரத்தில் கொஞ்சம் இடைவெளிவிட்டேனும் வாசித்துவிடுங்கள். தொடர்ந்த வாசிப்பிற்கு நன்றிப் பூங்கொத்துகள் உரித்தாகட்டும்....

Have your cup of 'tea'... 

       மனமகிழ் 'டிசம்பர்' பதிவை முடிக்கையில் அதன் தொடர்ச்சியை ஊர்பதிவு இட்டவுடன் தொடர்வதாகக் குறிப்பிட்டிருந்தேன். கடந்த ஊர்பதிவில் 'மகுடம் மறவா மகாராசா' 'வின் கதையைத் தொடங்கியிருந்தேன். மையக்கதையின் முடிச்சுக்களை அவிழ்ப்பதற்குள்'டிசம்பர் 'தன் மொட்டுக்களை அவிழ்த்து பூ முகம் காட்டவே டிசம்பரைத் தொடங்கினேன். டிசம்பர் பதிவிற்குப் பின் ராசாவின் மகுட ரகசியத்தை  உடைக்கலாம் என்றெண்ணி டிசம்பர் பதிவை முடித்தேன்.  ஏற்கனவே சொன்னபடி ராசாவைத் தான் அழைத்தேன். ஆனால்... 

 'மகுடம் மறவா மகாராசா' சற்றே 

கறார் பேர்வழியாகி 

 "தம்பி டிசம்பரைத் தொடருங்கள். யான் டிசம்பர் குளிரை கொஞ்சம் 'அப்டேட்' செய்து விட்டு வருகிறேன்." Late - ஆக வந்தாலும்  தம்பி உன்  'ஸ்டேட்டஸ்ல 'superfast' இரயிலாட்டம் வந்து சேருவேன். தற்சமயம் அந்தப்புரத்தில் 'மயிலாட்டம்' தொடங்கவிருக்கிறது. நான் செல்ல வேண்டும். நீங்கள் வேண்டுமானாலும் உடன் வரலாம்" -என்றார். 

சுதாரித்துக் கொண்ட நான் 

' இல்ல ராசா. எனக்கு வேலை கெடக்கு. மயிலாட்டம் கண்டால் என்பாடு திண்டாட்டம் தான். 

நீங்கள் மயிலாட்டம் முடிந்து

விரைவு இரயிலாட்டம் வந்துசேருங்கள். நான் டிசம்பரைத் தொடர்கிறேன்"- என்றேன்." 

லகுடபாண்டி எப்படியும் மகுடம் கழட்டி "ராசா மகுடம் கழண்டுச்சு" - என சிந்து பாடப்போகிறான். நம் மண்டையை உருட்டப் போகிறான். தற்சமயம் 'ஜெகா' (எஸ்கேப்) ஆகலாம். 'mind voice' என்றெண்ணி மகாராசா வாய் உளறலாகவே புலம்பியபடி மயிலாட்டம் காணச் சென்றார். 

இது தான் ராசாவின் தற்போதைய 'அப்டேட்'. இந்த வார முடிவிற்குள் டிசம்பர் குளிரை 'அப்டேட்' செய்துவிட்டு வந்துவிடுவார். இப்பொழுது  'டிசம்பர் பூக்கள்' 

தொடுத்து ஒரு கதையோடு தொடர்கிறேன். 

டிசம்பர் பூக்களுக்காக வலைப்பூ சந்தைக்குள் நுழைந்தேன். அழகான வண்ணங்கள் கண்களுக்குள் 'கலைடாஸ் கோப்பாகி' விரிந்தன. பூக்களின் மொழி அதன் வாசனை தானே. ஆனால் டிசம்பர் பூக்கள் வாசனையற்ற காகிதப் பூ போல வாசனைமொழியின்றி மெளன உதடுகளால் சிரித்து... 

"இளஞ்சிவப்பு, ஊதா, கருநீலம், லாவண்டர், பிங்க், மஞ்சள், வெள்ளை" என பல வண்ணங்களால் விழிகள் நிறைத்தது. 

   ஏன் டிசம்பர் பூக்களுக்கு வாசனை இல்லை? கேள்வியோடு வலைப்பூ சந்தைக்குள் உலாவிய போது... 

வாசனையற்ற பூக்களுக்கான காரணக்கதை கிடைத்தது. மெய்யோ? பொய்யோ? ஆராய்ச்சி இல்லாமல் கதையை ரசிக்கலாம்.

பழங்கதையாக இக்கதை புனையப்பட்டிருந்தது. நான் என்நடையில் இக்கதையை தொடர்கிறேன். கதையின் கைவிரல்கள் பிடித்து உடன் பயணியுங்கள். விரல் பிடித்த கதை கை சிவக்க ஒட்டிக் கொள்ளும் மருதாணியாக மனதோடு ஒட்டிக் கொள்ளட்டும். வாசமற்ற பூக்களின் பழங்கதை உங்கள் மனதை வசப்படுத்தும் என நம்புகிறேன். 

'Open பண்ணா'...

      இந்த இடத்தில் ஒன்றைச் சொல்ல வேண்டும். முன்னர் ஒரு பதிவில் கதை சொன்னபோதும் 'open பண்ணா' - என்று தான் கதையை ஆரம்பித்தேன். அதை வாசித்த என் மனைவியின் தோழியார் 'எதை open பண்ணா' என்று கேட்டிருக்கிறார். 'அடக் கடவுளே!  என்ன இது சோதனை!.' என்று அங்கலாய்த்து பிறகு 'ஓபன் பண்ணா'விற்கு கோனார் விளக்கவுரை அளித்தேன். உங்களில் யாருக்கேனும் இதே சந்தேகங்கள் வரலாம். (why blood. Same blood) 'open  பண்ணா' என்ற சொற்பதத்தை திரையுலகில் கதை சொல்லும் முன் 'open' பண்ணுவார்கள். அடியேனும் அப்படியே. 

 'இப்ப கதைய ஓப்பன் பண்றேன்' 

கதைத் தலைப்பு நானாக வைத்தது. பழங்கதையில் இத்தலைப்பு செல்லுபடியாகாது. 

கதையின் தலைப்பு 

"ஹெலன்&

       அணில்&

              டிசம்பர் பூக்கள் மற்றும் உறவுக்காரத் தெய்வங்கள்!" 

 ' ஒரு ஊர்ல ஒரு ராஜா இருந்தாரு' என்றே தொடங்கும் பல நீதிக் கதைகள். ஆனால் இப்பழங்கதை  ஏழைச்சிறுமியை சந்தோச ராணியாக்கி நடையிட வைத்திருக்கிறது. ஏழைச்சிறுமியின் வாழ்வின் ஊடாக வண்ணமில்லாப் பூக்களுக்கான காரணங்களைக் கோர்த்து அழகான ஒரு மாலையாக்கியிருக்கிறது. 

நான் "ஒரு ஊர்ல ஒர் ஏழைச்சிறுமி

இருந்தாள்" என்றே கதையைத் தொடங்குகிறேன். பெயர் 'ஹெலன்'. மாற்றாந்தாயால் வளர்க்கப்பட்டாள். மாற்றாந்தாய் தன் வயிற்றுப் பிள்ளைகளிடத்தில் பாசம் வைத்து ஹெலன் வசம் பேசும் போது மட்டும் தன் நாவில் விஷம் வைப்பாள்.வந்து விழும் சொற்கள் எல்லாம் ஹெலனுக்கு நஞ்சாகக் கசக்கும். ஹெலனின் ஒரே ஆறுதல் அவளது தோழியார் அணில் தான். மனம்துவளும்போது தோழியார் அணிலிடம் முறையிடுவாள். இதுவே வழக்கம். 

நாட்கள் கடக்க டிசம்பரில் ஒரு சோதனை ஹெலனுக்கு வந்தது. அதுவும் மாற்றாந்தாய் ரூபத்தில். சோதனையிலும் ஒரு வேதனை என்னவென்றால் வந்த சோதனை பூவால் வந்தது. 

'பெண் வைக்கிற இடத்தில் பூ வைக்கணும்'என்று சொல்லக் கேட்டிருப்பீர்கள். ஆனால் மாற்றாந்தாய் பூவையே புயலாக்கினாள். மாற்றாந்தாய் ஹெலனை அழைத்து 

வண்ணங்கள் நிறைந்திருக்கும் பூக்கள் பறித்து நீ உன் தங்கைகளுக்குத் தரவேண்டும். பூக்களோடு வந்தால் வீடு வா. இல்லையெனில் காட்டோடே போ' என்று புயலைச்சுருட்டி சிறுமி ஹெலனின் சொக்காய்க்குள் வைத்து விரட்டினாள். பிறகென்ன அழுத விழிகளோடு  அணிலிடம் வந்தாள். விஷயத்தைச் சொன்னாள். தோழியார் அணில் மாற்றாந்தாயின் சூட்சமத்தை அறிந்தது. அப்படியென்ன சூட்சமம்?

பழங்கதைப்படி, டிசம்பர் முதல் மார்ச் வரை பூக்களே பூக்காது. மரங்களெல்லாம் இலை உதிர்த்து உரித்துத் தொங்கவிட்ட கறிக்கோழியாட்டம் காட்சியளிக்கும். ஏப்ரல் மாதத்தில் ஏமாற்றாமல் மரங்களெல்லாம் பூப்பூவாய் பூக்கும். 'வசந்தகாலம்' இப்படித்தான் 

 தொடங்கும்.  அப்படியிருக்க மாற்றாந்தாய் ஹெலனுக்கு கொடுத்திருக்கும்  சவால் எத்தகைய வஞ்சகமானது என்பதை நினைத்துப்பாருங்கள்.

 சிறு பூவான ஹெலன் வாடிப் போனாள். இனி வீடு திரும்பமுடியாது என்றெண்ணி காட்டில் அமர்ந்திருந்தாள். 

ஏழைச்சிறுமி ஹெலனின் தோழியார் அணில் திரைக்கதையில் ஒரு திருப்பம் சேர்க்கவே..........

கதையில் ஒரு திருப்புமுனை

12மாதத் தெய்வங்களின் வட்டமேசை மாநாடு நாளை நம் காட்டின் எல்லையில் நடக்க இருக்கிறது. நான் உன்னை அங்கு அழைத்துச் செல்கிறேன். உனது பிரச்சினையை தெய்வங்களிடம் முறையிடலாம். நல்ல முடிவு கிடைக்கும் என்று கூறி அணிற்தோழி மறுநாள் ஹெலனை தெய்வங்களின் முன்னிலையில் நிறுத்தியது. 

ஹெலன் தன் பிரச்சினையை டிசம்பர் மாதத் தெய்வத்திடம் முறையிட்டாள். டிசம்பர் மாதத் தெய்வம் "பாப்பா உனது பிரச்சினைக்கான தீர்வு எனது சரகத்திற்குள் வராது. என்னால் உனக்கு பூக்களைத் தர முடியாது. நான் மழை, பனி, குளிரைத் தரும் அதிபதி. நீ வேண்டுமானால் பூக்களுக்கு அதிபதியான ஏப்ரல் மாத வசந்தகாலத் தெய்வத்திடம் முறையிடு. உன் பிரச்சினை தீர வாய்ப்புண்டு"

-என்று சொல்லி ஹெலனை வசந்தகாலத் தெய்வத்திடம் அனுப்ப...வசந்தகாலத் தெய்வம் சிறுமியின் மாற்றாந்தாயை கடிந்துவிட்டு சிறுமியின் தலைவிதிமாற தனது விதிகளைத் தளர்த்தி 'டிசம்பர் மாதத்தில் இனி முதற்கொண்டு இவ்வையகம் வண்ணமயமான பூக்களை பூக்கட்டும் என்று கட்டளையிட்டு  'conditions apply' என்றபடி வசந்தகால அதிபதி நடையைக் கட்டினார். 

டிசம்பர் பூக்களுக்கான 'condition

டிசம்பர் மாதம் பூக்கும் பூக்களுக்கு வாசனை தர மாட்டேன். சிறுமிக்காக இரங்கி வண்ணங்கள் தருகிறேன். மற்றபடி எனது வரையறையில் ஏப்ரலில் பூக்கும் பூக்கள் மட்டுமே வாசனையோடு பூக்கும்'  "இதுவே என் கட்டளை. என் சாசனம்" - என்று 'பாகுபலி' ரம்யாகிருஷ்ணனாட்டம் கட்டளையிட்டார்  வசந்தகால அதிபதி. 

'கொரோனா' ஊரடங்குத் தளர்வுகள் போல சிறுமிக்காக வசந்தகால அதிபதி விதிகள் தளர்த்தியதால் வாசனையற்ற வண்ணமிகு பூக்கள் டிசம்பரில் பூக்கத் தொடங்கின. 

சிறுமி ஹெலன் மகிழ்வோடு வண்ணமிகு டிசம்பர் பூக்களுடன் வீடு சேர்ந்தாள் என்பதாக கதை முடிந்தது. வாசமற்ற டிசம்பர் பூக்களின் பழங்கதை மனசுக்குள் வேர் பிடித்தது. 

"அன்பின் வடிவது... 

வாழ்வின் விடிவின் வழியது... 

வழியில் வலி நீக்கும் மருந்தது...

விழிதிறக்க இருளகற்றி

மனம் நிறைக்கும் ஒளிஅது!" 

எல்லாமார்க்கங்களும் சொல்லும் நீதி அது... 

 "அன்பே இறை... 

அன்பில் நிறை... 

அன்பே மறை..." 

 அன்பிற்கு அடைக்கும் தாழ் இல்லை என கைகள் விரித்த படியே கண்களுக்குள் நிறைந்து ஒளியாக எழுந்த தெய்வம் 'இயேசு கிறிஸ்து' மண்ணுலகில் மனிதனாகப் பிறந்ததும் டிசம்பரில் தான். 

ஜெர்மனியில் இன்றும் டிசம்பர் மாதத்தை 'கிறிஸ்துமஸ் மாதம்' என்றே அழைப்பதாக தகவல் படித்தேன். இன்னொரு விஷயம் சொல்லி பதிவை முடிக்கிறேன்.

உலகம் முழுக்க வாழும் காதலர்கள் தங்கள் காதலைத் திறக்கும் சாவியை டிசம்பர் மாதத்தில் தான் அதிகம் கண்டுகொள்கிறார்கள்.

வருடம் முடியும் மாதத்தில் பல 

*காதல் அத்தியாயங்கள்*

 தொடங்குகின்றன. சீனாவில் டிசம்பர் மாதசீஸனில் கிளைகளில் இலைகளின்றி கண்கள்நிறையும் படியாக மரம் முழுவதும் வெண்மையும், இளஞ்சிவப்பும் கலந்த கலவையாக ' பவுலோனியா பார்சினி' எனும் மலர்கள் மலர்வதாக வாசிப்பில் அறிந்தேன். இப் பூக்கள் சீனாவின் அரசி என்றெண்ணப்படுகின்றன.  

வாசனையற்ற பூக்களைக் கொடுக்கும் டிசம்பர் மனம் முழுக்க வண்ணங்கள் நிறைத்தே கடக்கட்டும். 

 நம் எண்ணம். நம் வண்ணம்...

பதிவு பிடித்திருந்தால் பகிருங்கள்... 

மனப் பறவை மனம் கொத்தும்!

பறக்கும் ...

Irudhy. A