Fly...
கொஞ்சும் காதல்...
விஞ்சும் தேநீர்
Un conditional love will live...
தேநீர் தருணங்கள்...
கணக்குகள் ஏதும் இல்லை.
வழக்குகள் உண்டு...
'ஒரு நாளைக்கு நிறைய
'டீ'குடிக்கிறீங்க.'
ஒரு கணக்கு வழக்கு வேண்டாமா? இனி 'டீ' கிடையாது.
நிறைய 'டீ' சாப்பிட்டா*
குறிப்பு. ('டீ' குடிச்சா என்று தான்சொல்லவேண்டும். நிறைய குடிப்பதால் 'டீீ' பலருக்கு சாப்பாடு
ஆகிவிடுகிறது.கூட்டத்தில் நானும் ஒருவன்) சரி விஷயத்துக்கு வருவோம். நிறைய 'டீ' சாப்பிட்டா பித்தம்.
தலை முடி நரைக்கும். (பரவாயில்ல. நரைச்சா மருதாணி இலைய அரைச்சு தலைக்கு போட்டு 'டீ'கலர்ல முடிய maintain பண்ணிக்குவேன். நரை நல்லது.)
இது என் தரப்பு வாதம்.
"ஒரு பானை சோற்றுக்கு ஒரு சோறு பதம்"
- பெரும்பாலான தேநீர் விரும்பிகளின் குடும்பத்தில் இப்படி ஒரு சம்பாஷனைகள் நிகழலாம். இருப்பினும் இந்த நிமிடம் வரை 'டீ' தோற்றதில்லை.
" பொண்டாட் 'டீ'...
கொண்டா 'டீ'.
- இது எப்படி இருக்கு?
பெரும்பாலான சந்திப்புகள் தேநீரில் தான் துவங்குகிறது. மீண்டும் தீண்டும் தேநீரோடு தான் வந்திருக்கிறேன்.
கொஞ்சும் காதலோடு
விஞ்சும் தேநீரோடு!
Te(A) en Agers only
ஒரு குவளைத் தேநீர்.
இரு அமர்வுகள்!
உறுமீனுக்காகக் காத்திருக்கும்
கொக்குப் போல
ஒற்றைக் குவளையில்
காத்திருக்கும் தேநீர்...
ஆறி ஆடை படியும் முன்
மிச்சமின்றி அருந்திவிடு.
காத்தல்...
காதலிலும்
ஆடை படிதல்...
ஆறவிடுதல்
காமம், தேநீர் இரண்டிலும் அழகல்ல.
காதல்
காமம்
தேநீர்...
மூன்று புள்ளிகளும் உயிர் தன் மெய்யில் ஒன்றாகும்
ஆயுத எழுத்து!
- Conditions apply
இல்லாளிடம் ஒரு விண்ணப்பம்
அகத்துத் தேநீர்
" ஒரு புத்தகம்.
ஒரு குவளைத் தேநீர்?
புத்தகம் முடியும் வரை
தேநீர் வருமா!
தேநீர் முடியும் முன்
புத்தகம் முடியுமா?
பக்கங்களைப் புரட்டுகிறேன்.
பக்கம் வரும்போதெல்லாம்
சிக்கனமின்றி இக்கணம்முதல்
'பக்கெட்' தேநீரோடு
பக்கம் வா.
வெட்கம் இல்லை எனக்கு
நான் தேநீர்க் காதலன்.
நிறுத்தா தேநீராக நான்!
எனைத் திருத்தும் ஆசிரியையாக நீ... "
கணக்கு எனக்கு பிணக்கு
காரணங்கள்
தேவையில்லை.
கரம் பிடிக்க உன்னை!
கரம்பிடித்ததில்
கணக்கு வழக்குகள் இல்லை.
உன் கைவளை
என் விரல்கள் கோர்க்க
இல்லை எல்லை.
உன்னில் தொடங்கி
உன்னில் மடிந்து
மீண்டும் தொடர்ந்து
நகரும் நாழிகையில்
நாள்பொழுது பார்க்காமல்
நாளெல்லாம் தொடர்வேன்...
தேநீர் உனைச் சுற்றும்
தேனீயாவேன்!
காரணங்கள் தேவையில்லை
கரம்பிடிப்பேன் உன்னை.
இசையும் தேநீரும்
இசையும் பொழுதும்
இணையும் பொழுதெல்லாம்...
புதுமணத் தம்பதிகளின்
தேன் நிலவுப் பொழுதுகளாகும்.
தேநீரும் இசையும் புதுமணத் தம்பதிகள்!
விடிகிறபொழுது...
எனை எழுப்பும்
அதிகாலைச்
சேவலாக நீ!
என் கைவிரலில்
கை சேரும்
மோதிரமோ நீ!
தொட்டுத்தொடரும் வானமாகும்
உலகில் அதிகம் பருகும்
பானமாகும்.
ஒவ்வொரு நொடிகளையும் ரசிக்கிறேன். ஒவ்வொரு துளித் தேநீராக...
கால நேரம் தேவையில்லை.
கணக்கு வழக்குகள் ஏதுமில்லை.
Have your cup of tea
Enjoy your little things...
மனப்பறவை பறக்கும்
மனம் கொத்தும்!
பறக்கும்...
